Eima pasaih lei ngaitapa, eima Missionary hnôh chaipa Rev. VLA.Mark (L) vahpa Rev. L.Mark cha zâhnia târi 16.9.2026 dawh 6:10 pm ta ama pahrâna O (Mission Bungalow) liata maniah a pahâsaipa cha atanoh târi 17.9.2026 (Pohbiehnoh) khata Mission Compound, Lorrainville liata pathliena nata pabuna programme hmâpa a châ.
Programme he dawh 12:30 pm ta Rev. Khabi Chozah, ES (Mission), ECM Hqrs. Saikao chhihthana ry liata a hmâpa a châ.
Programme tlâhpipa:
• Thlahchhâna : Rev. Stephen Beihrosia Chozah, Saikao Pastor Bia, Biatuhpa
• Bietana : Rev. K. Laichhua Azyu, Sr. ES, ECM Assembly Office, Siaha
• Athihpa thâtih reina : Rev. Az. Beirakaw, ES (SM&D), ECM Hqrs. Saikao
• Biereina : Mc. L. Paly, New Colony (Chhôhkha vyuhpa ta)
• Biereina chyupa : 1) Mc. M.Laikaw, CEM MADC, 2) Km. S.Vabeihasa, President, MTP Gen. Hqrs., 3) Rev. NC. Vabeilua, Chairman, EPPF, 4) MEC
Rev. Jimmy F.Sachai, Moderator, ECM Assembly ta pabuna programme hmâhpazi ta, ECM Assembly Choir zy ta a ri chô liata hlapy ta chakaona ama hnei hra.
Nohthlah lana ( photo session ) MVASP nah chhihthana ry liata hnei khai tawhta, ECM Pastor-zy ta Rev. L.Mark (L) ribyh cha Mission Bungalow Gate taih ta asy ei ta, Gate tawhta thlâ o taihta MTP Chhihtuhpazy ta ama tlôkhei.
Thlâ su liata Rev. Jimmy F.Sachai, Moderator ta thlahchhâna ta eimâ chhaihpa Rev. L.Mark (L) ri cha a lahpinô kyh a pachâ ngaitapa Rev. VLA.Mark (Pihnô Vaili) ‘L’ nata LPM Missionary-zy kiahpâh liata pabupa a châ.
Khichhai ri kiahpazy châta Saikao khihsawzy ta zâlâ kyhchhi pachhuahpanoh ei ta, dôh chyupa a châ hra.
Issued & Published by:
Evangelical Media Ministry,
ECM Assembly
