MTC

MARALAND THEOLOGICAL COLLEGE (MTC) THÂTIH CHYUPA

 

Biehmiapa

Mara râh liata Khazohpa Bie achuna College hnei awpa he eima Awnanopa Assembly nôpawpazy nata a râh chyhsazy saduthliena nata dâhphina a châ. ECM Assembly ta padua awpa ta a vaw paryhsa haw tarawpa ta, rairuna nano nanopazy vâta charâ ta padua theipa châ mâh vei. Anodeikuacha, Khazohpa ngiachhiena nata chhihthana vâta eima Awnanopa nôpawpazy khopasana nata hriapasana cha Abeipa ta hlao patloh ta atakô 2017-pa tawhta paduapa a vaw châ theipa he rôhnah ta, aly’pa a châ ngaita kaw.  Abeipa moh cha reithaipa ta y mawh sy. Maraland Theological College (MTC) he eima Pioneer Missionary, Rev. Reginald Arthur Lorrain nata a lahpinô, Maud Louis Ulander zy hriapasana theilâpa chhao a châ hra.  MTC he eima râh chyhsazy châta Khazohpa Bie liata eima laiseihna nata hmahsiena châ sala tahpa he Awnanopa nôpawpazy thlahchhâna a châ.

 

Maraland Theological College (MTC)

1. MTC thâtih chyupa

Eima Awnanopa ryureina lai chaipa, ECM Assembly, kô 2009-pa, Siaha Vaihpi Local Church liata hneipa chata Theological College padua awpa ta vaw paryhsa ta.  ECM Assembly ei 92-na, kô 2015-pa Edenthar Local Church liata hneipa chata Peniel Bible School cha pathiehpa ta pazao heihpa châ mawh sy tahpa ta pathlu heih ta. Cha bie pathlupa sânopazy cha ECM Assembly ei 93-na kô 2016-pa Châhkhei Local Church liata hneipa liata pachâ pakaoh ta “Maraland Theological College” padua awpa ta pathlupa ta, a Motto châta “Spiritual Maturity with Academic Excellence” tahpa a châ. He assembly pyly heta Rev. Dr. Laiu Fachhai cha Acting Principal nata, Mrs. J. Lalvarliani cha Assistant to the Acting Principal châta  a rao hra ei.

ECM Assembly ei 94-na, kô 2017-pa, Zyhno Local Church liata hneipa chata Maraland Theological College Principal chata Rev. Dr. F.C. Beichô, nata Pihnô C. Partei cha lecturer châta a vaw rao ei.  MTC Building he April 11, 2017-pa tawhna khata sa pathaopa châ ta, atahmâ he Office nata Class room-zy he  patlôpa a châ haw. Hâhkô 2018-pa tawhta course hropazy baichhi via lymâ awpa a châpa vâta MTC building ochôzy chhao he sapazao lymâ awpa ta pachhuahpanoh ngâhaipa châ ta, Residential College a châ ha bâ awpa ta hnabeiseihpa a châpa vâta Principal Quarter, Staff Quarters, nata Students’ Hostel zy padua awpa ta hmah la ngâhaipa nata pachhuahpanoh ngâhaipa a châ hra. MTC he Senate of Serampore (University) tawhta Nôpawpazy pahy awpa ta pachhuahpanohpa nata hnabeiseihpa a châpa hawh tlai ta, atanoh 7th October, 2017 –heta pahypa a vaw châ thei haw. Abeipa moh cha reithaipa ta y mawh sy. Cha nota C. Th class deikua cha August 7, 2017-pa tawhna khata pathaopa châ ta, Rev. Dr. S.T. Zawsi, Executive Secretary (Edn) ta Khazohpa lâta thlahchhâna ta hlâna  hnei ta, class pathaopa a châ.

Eima pahno khaipa hawhta  atanoh ta MTC maniah a pahypatuhpa he Upa Dr. Vansanglura, Principal, Serampore College & Secretary, Council of Serampore College  châ ta, ano he a viasa pano Rev. Dr. M. Justin Moses, Deputy Registrar, Senate of Serampore College nata Mr. Lalruatkima, Asst. Professor of Theology & Promotional Secretary zy ta ama kaw pazi. Rev. Dr. M. Justin Moses heta Seminar Paper maniah â chhuahnopa aw.

2. MTC yna su:

MTC he ECM Vaih, Siaha  liata a ypa a châ.

3. MTC ta âchhuahnazy:

a. Missionary zy ama chakaona châta pachu awpa nata pachhuahpanoh awpa.

b. Mara râh liata thâtihpha chhotuhpa (Evangelist)-zy Khazohpa bie âthu viapa nata sia viapa ta ama pahnopasia thei n’awpa ta nata ama thâtihpha chhona raihria châta pachuna pie awpa nata pachhuahpanoh awpa.

c. Awnanopa chhihthatuhpazy Biehrai nata chakaona kyh liata pahnokawhna pie awpa ta pachhuahpanohpa.

d. Mara râh liata thyutliazy rapi (Music) achuna Course nano nanopazy pachusa awpa.

e. Mara râh rairuna nata hmo âtyh haipazy chôchâh liata seminar, short courses, consultations   (reihpahmaohna/asaohiahna) nata training (pachuna) nano nanopa hnei tyh n’awpa châta pachhuah- panohpa.

4. Academic Programs (Courses)

a. Certificate of Theology (C.Th)

Certificate of Theology (C.Th) course he atakô (2017) tawhta pahypa a châ. He achuna (Course) heta eima râh liata Evangelists zy, Machâ zy, Khîchhôh Machâ zy nata a khohpa maih pachuna (Training) pie awpa â chhuah chai. Khazohpa Bie nata chakaona kyh liata pachhuahpanohna su châta a châ, Mara reih nata Mizo reih ta pachupa a châ. Achuna daihti chhôh: Kô 1. Achu theipazy : Mara reih nata Mizo reih châro nata châ rei athaipa.

b. Diploma in Christian Studies (DCS) nata Bachelor in Christian Studies (BCS)

Senate of Serampore external course, Bachelor in Christian Studies (BCS) cha ECM Assembly ta atakô June tawhta pathao awpa ta a vaw pathlu ha tarawpa ta, he course he January-December liata siekheipa a châ tyhpa vâta nata Senate of Serampore Course châ ta, Senate rei a châ hawpa vâta hâhkô January 2018  tawhta pathao thei awpa ta hnabeiseihpa a châ. Dr. Lalrindiki Ralte, Dean of SCEPTRE, cha Council of Senate of Serampore ta Commission châta a vaw raopa hawhta October 3, 2017 khata MTC mohpasiana (inspection) kaw hnei ta, thâtih phapa thlai ta eima pahnopazi na ta eima hnabeiseih.

c. Bachelor of Theology (B.Th) 

B.Th Course chhao he Senate of Serampore ta hnei pazao via lymâ heih awpa ta Executive Committee, Council of Senate of Serampore ta a pachhuahpanoh ngâhaipa a châ. He Course chhao he keimo MTC ta hâhkô tawhta pahy awpa ta hmah la ngâhaipa a châ hra. Mobile Bible School, Châhvâ Biehrai School/ Nopi School, School of Music, nata course hropazy chhao abyuhna dâh hawhta kô chareih ta baihchhi laih lymâpa a châ aw.

5. Library

1. Châbu
English: 714
Mizo: 561
Mara: 742
Chinese: 4
Hebrew: 1
Hindi: 3
Hmar: 1
Matu: 1
Khumi: 5
Total Books: 2032 

2. Magazines
English: 2
Mizo: 7
Mara: 74
Total Magazines : 83

3. Journal
English: 3

4. Thesis
English: 39

5. Bible
a. English: 43
b. Mizo: 13
c. Mara: 60
d. Hindi: 2
e. Hmar: 1
f. Matu: 1
g. Chinese: 3
h. Hebrew: 1
Total: 124

6. Dictionaries & Commentaries
a. English: 265
b. Mizo: 220
c. Mara: 95
Total:  580

7. Church History
a. English: 127
b. Mizo: 47
c. Mara: 66
Total: 250

8. Theology & Mission
a. English: 90
b. Mizo: 93
c. Mara: 43
Total: 226

9. Hlabu
a. English: 10
b. Mara: 64
c. Khumi: 5
d. China: 1
Total: 70


6. A ry liata moh palâsapazy he MTC Managing Board Members, Faculty members nata staff- zy ama châ:

1. MTC Managing Board Committee/Board (2017-2020):

  1. Rev. Dr. S.T. Zawsi, Executive Secretary (Edn), ECM – Chairman
  2. Rev. Dr. F.C. Beichô, Principal, MTC – Secretary
  3. Rev. VL. Ngaia Hlychho, Moderator, ECM Assembly –Vice Chairman
  4. Rev. Dr. Laiu Fachhai, SES, ECM – Member
  5. Rev. Dr. M. Zakonia – Member
  6. Rev. Ch. Chhama – Member
  7. Rev. C. Beima – Member         
  8. Pihnô. C. Partei, Vice Principal – Lecturers’ Represent

2. Faculty Members nata Staff-zy     

  1. Rev. Dr. F.C. Beichô, B.A., B.D., M.Th., (Missiology), Ph.D. (Missiology)
  2. Mrs. C. Partei, B.A., B.D., M.Th. (New Testament)
  3. Rev. S. Vabeikhokhei, B.Th., B.D., M. Th. (Missiology)
  4. Rev. Chhuakhu Khithie, B.Th., B.D., M. Th. (Counseling)
  5. Rev. Joseph Kôma Chozah, B.Com. B.D.
  6. Mrs. Lynn H. Ngôhei, B.Sc., M.Th. (New Testament)
  7. Ms. Ellen Hlychho, B.A., M.A., M.Th. (Theology)
  8. Mrs. N. Dawhniarili, B.A., B.D.

Staff:

  1. Ms. N.C. Thiengia – Clerk
  2. Mr. Lord Jim (Muller) – IVth  Grade