ECM KHP HQ TA LOHPAPUANA HNEI
Dt. 25.09.2026) dawh 1:00 pm, khata Pihnô Lynn H.Ngôhei, Secretary, ECM KHP HQ chhihthana ry liata ECM KHP Member hry tawhta Differently-able manôh 42 zy hnohta ECM KHP HQ ta lohpapuana hnei. He programme he Lorrain Hall, ECM Assembly Office liata hmâpa a châ. Differently-able zy hnoh heta baona Rs. 2,500/- sai piepa ama châ.
He baona sôh he ECM KHP Branch 104 hry tawhta Branch 74 zy My Apakhyna 1 (ei kha) thyuna tlohpakhypa tawhta piepa ama châ. Sôh tlohpakhypa zydua he Rs. 1,07,535/- a châ.
He programme liana heta atakô KHP Day Ei 49 alyna châta KHP Branch zydua hnohta Pathaihna Tlâh-rai hriana liata hmâ awpa Rs. 1,000/- sai hlâpa ama châ. Pathaihna Tlâh-rai hriana liata sôh hmâh awpa he EM (LAD), MADC tawhta KHP HQ liata ama hlâpa a châ. Pathaihna Tlâh-rai he Târi 3.10.2026 noh ta KHP zydua ta ama hria aw.
Pihnô Lynn H.Ngôhei, Secretary, ECM KHP HQ ta KHP Lôhdu (Differently-able persons) zy châta nata KHP Member-zy ta pathaihna liata hmah ama sie via lymâ thei nawpa ta, Pathaihna Tlâh-rai châta thlahchhâna hnei ta, daihti pachhâsapa a châ.
Issued & Published by:
Evangelical Media Ministry,
ECM Assembly
